Eisenhower Matrix
2020-11-26

Eisenhower Matrix

المقالة

Eisenhower Matrix

طريقة كمان لترتيب أولويات تنفيذ المهمات والأهداف هى مصفوفة أيزنهاور.

هاتفيدنا المصفوفة لو عندنا قائمة طويلة من المهمات، ومش عارف نبدأ بإيه ونأجل إيه!! هاتساعدك المصفوفة لتحديد إيه العاجل وإيه المهم وإيه اللى غير كده...

أيزنهاور هو الرئيس ال ٣٤ للولايات المتحدة، وكان قائد قوات التحالف فى الحرب العالمية الثانية.

وزيه زى أى قائد عظيم، كان لازم يحدد قائمة أولوياته ويدير وقته بالطريقة الأمثل.

المصفوفة عبارة عن ٤ مربعات، باستراتيجيات مختلفة.

المربع ١: أولوية التنفيذ (نفذ الآن):
ودى اللى بتحتوى الأمور المهمة والعاجلة، واللى بتتطلب إنها تتعمل فى أقرب وقت ممكن وإلا سيصبح لها مردود سلبى عليك فى حياتك أو شغلك.
زى مثلًا التدخلات الطبية، إصلاح شئ حيوى فى حياتك زى علاقتك بشخص عزيز أو مذاكرة الفاينل.

المربع ٢: التخطيط للتنفيذ:
والمربع ده بيحتوى على الأمور المهمة ولكن ليست عاجلة.
وغالبًا بتبقى الحاجات اللى مرتبطة بخططك بعيدة المدى على المستوى المهنى مثلًا.. زى إنك تاخد شهادة أو تدريب أو تتعلم لغة تانية علشان بتخطط تسافر مثلًا.

المربع ٣: (التفويض):
وهنا بنلاقى الأمور العاجلة، بس مش مهمة.
يعنى حاجات لازم تحصل دلوقت، فهاتاخد من وقتك لو نفذتها، بس مش هاتلاقى منها فائدة مباشرة ليك.
زى مهمات شراء أشياء لأشخاص آخرين، إنك تودى ملابسك لمغسلة أو للمكوى، وحاجات زى دى لما بتنتدب حد يعملها بيوفر لك وقت للقيام بمهمات أهم.

المربع ٤: (تخلص منها):
فى المربع ده أشياء ليست مهمة، وليست عاجلة، ويجب التخلص منها الآن، أو تنفيذها خلال أقل وقت ممكن.
زى مثلًا ألعاب الفيديو جيم.

 

 

المطلوب عمل اتزان لحياتك ووقتك بين ماهو مهم وماهو ترويح للنفس.

علشان كده مطلوب تقضية أكبر وقت ممكن فى مربع ٢ وأقل وقت ممكن فى مربع ٤.

دمتم بخير