Doing the right things? Or, Doing things right?
2020-11-26

Doing the right things? Or, Doing things right?

المقالة

Doing the right things? Or, Doing things right?!

سؤال ثعلبى. مش كده؟! 

 

لما اتكلمنا على إن لازم أحط لنفسى هدف، قلنا إن لازم أشتغل على نفسى علشان أحقق الهدف ده.

والمثال ده بيجاوب بطريقة بسيطة جدًا على سؤالنا.

لما بأحدد هدفى اللى عاوز أوصل له، ده بيكون عبارة عن رؤيتى لنفسى أو البيزنس بتاعى فى المستقبل، الل هى ال Vision بتاعى.. وده نقدر نقول عليه Doing the right things.

التفكير هنا بيكون Strategic وفى البيزنيس اللى بيقوم بيه هم ال Top management.

بعد ما بأحدد الهدف، بأشوف الطرق اللى توصلنى للهدف ده، وأشوف أشتغل إزاى على كل طريقة وأحدد لها أدواتها ونطاقها الزمنى وكل مايلزمها، وده اللى هو Do things right.

التفكير هنا بيكون Tactical وبيكون قابل للتعديل على حسب الظروف المستجدة، وفى البيزنيس بيقوم بيه ال Mid-level management

مثالنا اللى هانمشى بيه دايمًا هو الراجل اللى عاوز يخس..

هايحط لنفسه هدف إنه يخسر ٢٠ كيلو علشان يحافظ على صحته وهيئته ويمارس حياته بطريقة طبيعية (Doing the right thing)

فاراح إشترك فى چيم وانتظم فى التدريب، وعمل Diet plan مع حد متخصص، وقطع علاقته بكل منيوهات الأكل اللى فى درج مكتبه، وإشترى Frier اللى بتعمل الأكل بمعلقة زيت واحده، وعمل unlike لكل صفحات مطاعم الأكل اللى كان زبون عندها دايمًا علشان يحافظ على خطته الغذائية (Do things right)

 

بس كمان عندنا حاجتين فى غاية الخطورة...

1. Doing the Right Thing, but Doing it Wrong

إن يكون هدفى ورؤيتى شرعية وسليمة بس أنفذها غلط!

- من ٥ سنين لما فكرت أفتح بيزنيس وأخدت القرار (الصح) إنى أبدأ عملى الخاص، خرجت من الشركة اللى إشتغلت فيها ١٢ سنة بطريقة كانت أسوأ ما يكون، وخلتنى أخسر ناس كان فضلها علي كبير فى حياتى، وإتعلمت الدرس إن لما يكون هدفى مشروع، لازم أحققه بكل الطرق (الصح) علشان كان ممكن أخسر كل حاجه.

2. Doing the Wrong Thing, but Doing it Right

إن يكون هدفك غلط وتشتغل عليه بكل الطرق الصح علشان تحققه.

- وده حاجه كده زى البروفيسور فى مسلسل la casa de papel.

الراجل حط خطة ماتخرش الميه.. علشان يسرق بنك!!

يبقى كده المطلوب منا نحط خطتنا ورؤيتنا (الصح)، ونشتغل على تحقيقها بكل الطرق (الصح).

دمتم بخير 

 

See less